الشاعر أ. محمد الغامدي
كتبت الشعر لعيونك لقيت الحـرف لـي ينسـاق
يقـول اكتبنـي الأول وخلنـي آخــر حـروفـك
مدام انك بتكتـب فـي قصيـدك نجمـك البـرّاق
تدلّـل وش تبـي منـي ترانـي لعبـة هنـوفـك
والى جيت اكتب اشعاري لغيرك صدر حرفي ضاق
يقـل لـي لا تدورنـي ويالله صـك مظروفـك
حبيبي فيك انا مغـرم وحتـى الحـرف لـك ذوّاق
حبيبـي لا تخلينـي متـى مـا تسمـح ظروفـك
تراني دوم لك وافي مثل مـا حيـل لـك مشتـاق
وآمرني ولك شعري بكـل مـا يرضـي شفوفـك
وشعـري لا كتبتـه فيـك يتوسّـع فـي الآفـاق
ويسرح ثـم يشـرح ثـم يسبـح داخـل كهوفـك
واصحي الحرف من حلمه وحرفي شارد(ن) ما فاق
يتيه الحرف في عينك وشاطـي حرفـي كسوفـك
وحبر الحرف من ريقـك وكفّـك للحـروف اوراق
فلا تبخل علـى حرفـي بحبـره وافتـح كفوفـك
ترى حرفي وحبري والقصيـد لغيركـم مـا راق
ولو أجمع دواوينـي تـرى مـا توفـي وصوفـك
